De Groen htn
- Niet te verwirr'n meê Groe in de gemeênte Goes
De Groe (Nederlands: Groede) is een durp in de gemeênte Sluus. 't Durp hao 1.030 inweuners in 2012. De Groe bestaet uut 'n durpskern en 'n groôt butengebied mee buurtschappen as Boer'nol en Kruusdiek.
In'oud
- 1 Geschiedenisse
- 2 Folklore
- 3 Burgemeêsters
- 4 Plaet'ies
- 5 Rifferensies
Geschiedenisse[bewerk | brontekst bewerken]
De ouwste meldieng over De Groe komt uut behun van de 12e eêuw. De naem wor dan vermeld in een oorkonde van de Gentse Sint-Pietersabdij die in die 'oek vee grond hao. De naem ‘Groe’ komt meschien van ‘grode’, wa da an'eslibt land betekend. De kerktoren van de kerke die d'r noe stit komt uut de 15e eêuw.
D'r binne vee overstroômingen 'ewist rond De Groe. Soms wier 't land in tiejen van oôrlog onger waeter 'ezet, vooral ok mee de Tachentigjaerige Oôrlog. De bekendste bin de Sint-Elisabethsvloed in 1404, 1421 en 1424 en de sturmvloed in 1375/1376. Tiedens de Tachentigjaerige Oôrlog (1568-1648) wazze d'r vee militaire inundaoties. Tussen 1583 en 1612 stong De Groe blank. Ienkelt d'n toren was nog zichtbaer. Mee het Twaolfjaorig Bestand (1609-1621), kwam de streek op aesem. In 1613 wiere dieken 'ebouwd en nog in datzelfde jaer stong d'r een nieuwe Waolse kerke. Een bekend persoôn uut De Groe is Piet Brakman.
Toet 1970 was De Groe 'n eige gemeênte; in dat jaer wier 't toegevoegd an Wostburg. Die gemeênte goeng in 2003 zelf weer op in de fusiegemeênte Sluus.
Folklore[bewerk | brontekst bewerken]
De Groe stae bekend om zien paptaorten, ronde taeretjes mee van binne gesukerde karnemelkse pap, die-an 'ier sind jaer en dag op de baemissekermis gegeten ore.
Burgemeêsters[bewerk | brontekst bewerken]
- M. Mazure, burgemeêster van De Groe 1845-1880.[1]
Plaet'ies[bewerk | brontekst bewerken]
Rooms Katholieke kerke
Monumentale uzen an de Mart
Nog een keer de Mart
Rifferensies[bewerk | brontekst bewerken]
- ↑ Instituut voor Nederlandse Geschiedenis, Cumulatieve index van personen op de Briefwisseling van J.R. Thorbecke - met biografische aantekeningen, benaderd op 29 maart 2010
 |
Kiek vò meêr plaetjes over dit onderwerp in de categorie De Groe van Wikimedia Commons. |
| Gemeênte Sluus |  |
|---|---|
|
Steden: Erreburg · Iezendieke · Sluus (plekke) · Sint Anna ter Mu · Wòstburg Durpen: Bresjes · De Groe · Djì · Dwòfdplaote · 't Kerkje · Kezand · Pieremie · Sinte Pier · Slikplaote · Sinte Kruus · Schwòndieke · Truzement · Zuuszande Gehuchten: Boer'nol · Drooiplotte · Eile · Nummer Jin · Rwòienoek · Sasput · Scherrebier · Stroopuut · Rostie · Turkieje · Vuulpanne · Wòstburgse brugge |
