Soncha Scrittüraditpu
|
Questa pagina è scritta en vallader. |
La Soncha Scrittüra es l'ediziun da la Bibla illa traducziun classica per vallader da Jachen Ulrich Gaudenz e Rudolf Filli chi vain dovrada sül territori dals duos colloquis engiadinais i'l chantun Grischun, infra ils quals ils idioms vallader sco eir puter vegnan discurrüts.
La Soncha Scrittüra es caracterisada d'üna lingua ourdvart cultivada chi as disferenzescha d'üna lingua da minchadi, p.ex. in möd ch'ella douvra la fuorma dal passà defini.
Sco muostra ha servi als traductuors l'ediziun da la Bibla zürigaisa da 1931, e punct da partenza d'eiran natüralmaing las versiuns da las linguas oriundas ebraic (pel Vegl Testamaint) e grec (pel Nouv Testamaint).
La Soncha Scrittüra gniva stampada l'on 1953 a Samedan in üna prüma ediziun da 5'000 exemplars.
