Sofia Albertina Sveden18nönc ndiniiskgyl34iyü içiicor Nerğ ULep imeıklKawıti
Sofia Albertina Sveden, pe Sophia Maria Lovisa Fredrika Albertina ( 1753–1829), a oa ur briñsez svedat, priñsez-abadez abati Quedlinburg, unan eus stadoù bihan niverus an Impalaeriezh Santel Roman German.
Taolenn
- 1 He buhez
- 2 He buhez
- 2.1 E lez Sveden
- 2.2 Karantezioù
- 3 Notennoù
He buhez[kemmañ | kemmañ ar vammenn]
Merc'h da Adolf Fredrik, roue Sveden, ha d'e bried Lovisa Ulrika, rouanez Sveden. Priñsez a Sveden e oa eta, priñsez eus Holstein-Gottorp, ha priñsez-abadez, c'hoar d'ar roue Gustav III. Anvet e oa diwar anvioù he div vamm-gozh: Sophie Dorothea Hannover, rouanez Prusia, hag Albertina Frederica von Baden-Durlach.
Ezel e oa eus Accademia di San Luca.
Dizimez ha divugel e chomas.
He buhez[kemmañ | kemmañ ar vammenn]
E lez Sveden[kemmañ | kemmañ ar vammenn]
Sofia Albertina hag he breur yaouankañ, Fredrik Adolf Sveden, a oa bugale karetañ o mamm, Lovisa Ulrika, ha tost an eil ouzh egile. Sofia Albertina a vevez e lez he mamm ha dindan he beli betek he marv e 1782.
E 1778 e voe savet brud gant he mamm, ar rouanez trederannerez, en doa lakaet ar roue Gustav III ober e vab gant ar c'hont Adolf Fredrik Munck, ha mont a reas Sofia Albertina ha Fredrik a du gant o mamm[1].
En 1780 en em gavas karroñs ar rouanez trederannerez hag he merc'h Sofia Albertina gant re ar Roue hag ar Rouanez, Sophia Albertina a viras ouzh ar gejadenn diaes etrezo o saludiñ ar roue hag ar rouanez gant he dorn da guzhat he mamm outo[2].
En 1781 e savas bec'h etrezi hag he breur roue, a voe hogos dezhañ harluañ anezhi eus al lez pa nac'has ar rouanez-vamm leuskel he merc'h da ober he leoù a zoujañs d'ar rouanez. Plaenaet e voe an afer gant he c'hoar-gaer Hedvig Elisabet Charlotta av Holstein-Gottorp.
Pa varvas o mamm ez eas gant he breur Fredrik da zeviñ paperioù o mamm a-raok ma c'helljent bezañ gwelet gant ar roue.
En Stockholm e voe savet ur palez dezhi, anvet Arvfurstens Palats hiziv.
Sophia Albertina ne oa ket brudet da vezañ na speredek na koant, met plac'h a galon e oa, ha troet da ebatal ha da gemer perzh er festoù a veze e lez he breur Gustav III hervez a skrive he c'hoar-gaer Hedvig Elizabeth Charlotte en he deizlevr.
Sophia Albertina ne gare ket gwelout ober droug d'ar maouezed ha meur a wech ec'h emelle pa gave dezhi e oa bet graet vil el lez d'ur vaouez, evel pa deue he breur Gustav III da grozal d'an dimezelled a enor a veze o c'hoari pezh e c'hoariva al lez, pe pa oa bet roet ur gador fall d'he c'hoar-gaer er c'hoariva, ken he devoa tamallet Sofia Albertina he c'hoar-gaer da chom hep difenn he gwirioù [3]. Klask a reas sikour Magdalena Rudenschöld da goulz irienn Armfelt, ha dont a reas a-benn da virout ouzh he c'hondaonidigezh d'ar marv. [4]
Karantezioù[kemmañ | kemmañ ar vammenn]
Kaoz a oa bet d'he dimeziñ. E 1772 e oa nec'het Gustav III o vezañ divugel, dre ma ne gouske ket gant e wreg, a soñjas dezhañ e c'hallje leuskel e vreudeur hag e c'hoar yaouankoc'h da ober un hêr d'ar gurunenn, ha Sophia Albertina hag he breur Carl a voe kavet mat da gas ar gefridi-se da benn. E-touez an dud a oa bet soñjet enne da zimeziñ dezhi e oa he c'henderv Prince Peter von Holstein-Gottorp, Priñs-eskob Lübeck, met dilezet e voe ar mennad e 1780. Soñjet e voe ivez er roue Stanisław August Poniatowski met n'eas ket gwall bell an afer...
Notennoù[kemmañ | kemmañ ar vammenn]
- ↑ Alma Söderhjelm (1945). Gustav III:s syskon (Breudeur ha c'hoar Gustav III) Stockholm: Albert Bonniers Förlag. 23033 (Swedish)
- ↑ Gustav III:s syskon (Breudeur ha c'hoar Gustav III) Stockholm: Albert Bonniers Förlag. 23033
- ↑ Alma Söderhjelm (1945). Gustav III:s syskon Stockholm: Albert Bonniers Förlag. 23033 (Swedish)
- ↑ Alma Söderhjelm (1945). Gustav III:s syskon Stockholm: Albert Bonniers Förlag. 23033
