Noétes couleurs
Ech noért ch'est unne couleur (il y o un débot por savoér si'ch noèrt ch'est unne couleur o mie, por chertains èch n'est mie unne couleur moais un touillemint ed tous ches couleurs).
L' noérte couleur connoét bèlemint ed ches sinboliques fort diférintes. Unne sinbolique byin souvintefoés truvèe ch'est chole-lo d'el mort pi d'echl' Infer porche qu'ech noért il est sinbole ed ches ténèbes (lo-boais doù eq Diu èn donne mie sin leumiére ch'est don echl' Infer).
Ch'est itou din'ch sins ed ténèbes pi ed mort (moais sins echl' aspet d'echl'Infer) eq ches gins is portoétte ed ches abillemints noérts por ches funnérailles et pi ches intèrmints.
El noérte couleur vut don itou dire echl' absinche ed djaitè per echl' erlacion à ches ténèbes, et ch'est el roaison porquoé qu'in troéve chole couleur fort souvintefoés dins ches situations solénèles et ches situacions ed contricion conme echl' abit ed ches moinnes. Ch'est ed chole foachon eq chole couleur o prins el sinbolique d'echl' umilitè, unne sinbolique qu'in troéve itou quant ches onmes politiques is s'abill'tté in noért.
