Gpdevss

St. Anna Kapäll ä Rohrmoos

D St. Anna Kapelle va Rohrmoos, watt op Ripuaresch D Kapäll van öt Hellije Änn heechd, es d äldste Holzkapäll va Süddütschland. S lid en dr Weiler, wat noch ön Nommer kleener als ö Dörp es, Rohrmoos, jehüüd ävver zo d Pfarr Tiefenbach.

Dat Jrondstöck, op dat hü z Dachs d Kapäll stehd, wood öm 1500 va Jraf Johann v. Sonnenberg jekoovd, spiir an önö Truchsess von Waldburg-Wolfegg vorärvd. Dat jäng dann ösu wiir un dobeij woss dat Land, dat Eejedomm wood mi un mi, bes dat öt ön Jrüde va onjeväär 4900 Hektar hod. Op dat Stöck Land wood 1586 va Jakob von Waldburg-Wolfegg d Kapäll jebouwd. Ee Joohr spiidr, 1587 wood s enne usjemold. Weer zöräät jemaad wood dat Joddeshuuß em Joohr 1901 un öt leitzde Mol 1987.

Jeddem, dä vöör Konst ö Oohr had, däm valle d jömolde Belder op, di övverall an d Wäng z see send. Dat send noch d Belder, di 1587 ajöbraad woode. Opjöpäppeld woode di em Joohr 1901 dörch önö K. Schleibner. Dodörch wood d Värv wärm schünn vresch.

Dat Kerchescheff entstäng als önö Blockbouw, ä däm Venstere (1 rätz un 1 lenks op dr Kopp un 2 op jedde Siij) jöschnedde send. Dat janze Holzhuuß bouwde s damols op önö Brochsteesockel, dä och hüü no do es. Daachpanne brudde d Bouwhääre damols net. Schindele, dat heecht jöschnetzde Holzbräär, di ävver wie Panne ussännt, däkke dat Daach aav.

Belder us öt Lääve va Maria, d 12 Apostele un Wappe van d Besetzer maache d Kerch zo önö Oohreschmaus.

• 

  St. Anna va enne

• 

  Önö Bleck op d Wäng

Dr Altar es us öt Joohr 1568 un domet sujar 20 Joohr älder als d janze Kerch.

• Övver d Kapäll
• "Kunstdenkmäler - Landkreis Sonthofen", Petzet, S. 737 ff;Schnell, Kunstführer Nr. 1436, S. 12 f